|
 Hkai
mu galaw sha ai htinggaw a hkrun lam
hta ahkyak ai lam langai mi gaw
shanhte a hkai nmai ni hpe yu lajang
ai lam re. Shanhte a nga sat nga sa
madung gaw shanhte hkai sun hta lu
hkai ai atsam hte dai hkai nmai ni
hpe gara hku yu lajang mazing ai lam
rai nga ai. Hkai lu hkai sha ai hta
hkai mu galaw sha ai ni hkrum katut
ai manghkang ni gaw – ga sau n kaja
ai, hkai nmai ana zinli, rai kanu
zingri ai, arang n lu ai hte masha
n-gun n nga ai re.
Ndai manghkang ni hpe grau sawng
shangun ai lam ni gaw: shingra hte
htap htuk ai hkai sha ladat n mai
lata ai, htaphtuk ai hkai nmai ni
hpe lata na yak ai, nli kaja n lu
mai ai, nhtoi kaja n chye ai, shing
n rai, kaja ai masing n chye jahkrat
ai lam ni rai nga ai. Ndai manghkang
ni hpe tawt shalai lu na matu hpaji
law law jaw ma ai.Htaphtuk ai hpaji
hte machye machyang hpe sharin
hpawng, shing n rai, hkai
sha ai hte seng ai lam ni hpe rau
jawm galaw shaman la mai ai.
Gara hku mi rai tim, bawngring magam
law law gaw, hkai sha ladat hta law
malawng n-gun dat nna, shawng nnan
ahkyak htum re ai hkai mu masing
jahkrat lam hpe gaw malap mali di
kau ma ai. Hkai nmai pru madang dik
hkra jat na matu gaw hkai mu masing
jahkrat ai, hkai sha ai hte yu
lajang ai lam ni rai nga ai. Kadai
wa mi n mu n chye ya tim, hkai mu
galaw sha ai ni gaw madu hkrai madu
a bungli ni hpe masing jahkrat da ma
ai. Gara hku chye lu a ta nga jang,
nli hpe lata ai, la zing tawn da ai,
bungli nnan hpang ai kaw nna shu la
ai ten du hkra magam bungli ni hpe
sawn tawn da ma ai.Gara hku rai tim,
hkai mu galaw sha nga ai laman hta n
myit mada ai bungli ni pru wa chye
ai.
Dan dawng ai lam langai mi gaw hkai
mu galaw sha ai ni, shanhte a
mahkrum madup hta hkan nna magam
bungli hpe masing jahkrat na matu
mai galaw ai, mai byin ai. Raitim,
shanhte a sun masing jahkrat ai lam
hpe grau nna galai shai kaja wa na
matu nga jang, shanhte a mabyin masa
hpe maram yu ra ai. Dai rai jang she
ya mung, hpang e mung, shanhte a
manghkang ni hpe hpran lu na.
Shanhte a nta masha ni a ra ai hpe
shatup lu na re.
I .
HKAI MU MASING JAHKRAT AI LAM HPE
HKAI MU MASHA NI SHARAWNG WA NA
LADAT
Hkai mu masing jahkrat ai lam hpe
garai n sang lang jang hkai mu masha
ni a myit jasu ya lu na matu shawng
galaw ra ai.
• Hkai mu masing jahkrat nna awng
dang sai hkai mu masha ni a hkai sun
ni hpe shawng sa gawan yu ra ai. Dai
hku gawan yu ai ten hta hkai mu madu
hte rau gawan maram ya yu ai a
lapran e htai lai hkat ai lam nga
hkra lajang ya ra ai. Awng dang ai
hku hkai shapraw ai lam ni a ladat
hta sha n ga, manghkang ni mung,
hpaji jaw ai lam ni mung, jahta hkat
ra ai.
 •
Hkai mu masing jahkrat ai a majaw
hkai sun jat wa ai hte seng nna dat
pung sumla, shing n rai, sumla jasi
ni hpe madun na. Dai madun ai lam ni
hpe galaw jang, sang lang ai lam ni
hpe mung galaw ra ai.
• Hkai sun ni de n du lu ai rai jang,
hkai sun masing jahkrat ai hpe awng
dang ai hku lu galaw sai, hkai mu
masha ni, mai byin jang, nta masha
ni yawng hpe saw shaga nna hkai sun
masing jahkrat mayu ai hkai mu masha
ni hte matut nna bawngban jahta yu
na.
Ndai ladat ni hpe jai lang ai gaw
hkai mu masing jahkrat nna akyu hkam
sha ai hpe ta tut mu la, na la nna
shanhte a myit hpe sharawt na matu
re. Ndai amu ni hpe hkan galaw
shatup ngut ai hpang, hkai mu masha
ni a myit mung rawt hprang wa ai
hpang gaw hkai mu masing jahkrat ai
a lachyum, yaw shada ai lam, hkai mu
masha ni hkrum ai manghkang, hkai mu
masha ni lu ai atsam marai hte ngun
hte seng nna bawngban na. Dai hpang,
shanhte a hkai mu magam hpe mung
atsawm sha masing jahkrat lu na re.
read more » |
download |
